၂၀၁၆ အလွန် မြန်မာ့စီးပွားရေး အလားအလာ (City FM အင်တာဗျူး)

၂၀၁၆ အလွန် မြန်မာ့စီးပွားရေး အလားအလာ (City FM အင်တာဗျူး)

City FM (မေး) - လက်ရှိမြန်မာနိုင်ငံရဲ့ စီးပွားရေးအလားအလာနှင့် ၂၀၁၆ အလွန် စီးပွားရေးသုံးသပ်ချက်များကို ဆွေးနွေးပေးစေချင်ပါတယ်။

(ဖြေ) - လက်ရှိ မြန်မာ့စီးပွားရေးအလားအလာကို သုံးသပ်ဖို့ဆိုရင် ကျွန်တော်တို့အားလုံး ကြည့်ရမဲ့အပိုင်း (၄-ခု) ရှိပါတယ်။

အချက် (၁) P – Political နိုင်ငံရေးအခြေအနေပါ။ (Politic Economic ဆိုတဲ့ နိုင်ငံရေးဟာ စီးပွားရေးနဲ့ ဒွန်တွဲနေပါတယ်၊ နိုင်ငံရေးရဲ့ အပြောင်းအလဲအပေါ်မူတည်ပြီး၊ စီးပွားရေးဟာ သေချာပေါက်ပြောင်းလဲလာမှာပါ)။ ပြည်တွင်းစီးပွားရေးတိုးတက်မှု၊ နိုင်ငံတကာရင်းနှီးမြုပ်နှံမှုတွေဝင်လာဖို့နဲ့ ငြိမ်းချမ်းစွာနဲ့ စီးပွားရေး တိုးတက်မှုကို ပုံသွင်းဖော်ဆောင်နိုင်ဖို့ဆိုရာမှာ နိုင်ငံရေးရဲ့ မူဝါဒတွေ၊ ပံ့ပိုးမှုတွေ၊ မဟာဗျူဟာတွေလိုအပ်မှာဖြစ်ပါတယ်။

အချက် (၂) E – Economical စီးပွားရေးအခြေအနေပါ။ (Economic make country wealthy ဆိုတဲ့ စစ်မှန်တဲ့ စီးပွားရေးစနစ်ဖော်ဆောင်လာမယ် ဆိုရင် နိုင်ငံရဲ့စီးပွားရေးတိုးတက်လာနိုင်ပါတယ်၊ စီးပွားရေးစနစ် ပြောင်းလဲဖို့တော့လိုပါတယ်၊ ယခင်က ဆိုရှယ်လစ် စီးပွားရေးစနစ်ကနေပြီး တံခါးဖွင့်စီးပွားရေးကို အားပေးတဲ့ ဈေးကွက်အရင်းအနှီးဝါဒဆိုတဲ့ Capitalism စနစ်မျိုးတွေဖြစ်လာပြီး Private ရဲ့လုပ်ပိုင်ခွင့်တွေ၊ ပြည်သူရဲ့ လွတ်လပ်တဲ့ စီးပွားရေးဖော်ဆောင်မှုတွေ ဖန်တီးပေးလာနိုင်ရင်တော့ တိုးတက်လာနိုင်မှာပဲဖြစ်ပါတယ်။

အချက် (၃) Social လူမှုဝန်းကျင်အခြေအနေပါ။ (အသိပညာ-အတက်ပညာ ဦးဆောင်ပြီး၊ နိုင်ငံတကာကို ဖိတ်ခေါ်နိုင်တဲ့ ပြည်ပ ဈေးကွက်ချိတ်ဆက်မှုနှင့် ပြည်ပအရင်းအနှီးရှာဖွေမှုတွေ၊ စီးပွားရေးအမြင်ကျယ်မှုနဲ့ တစ်ဦးချင်းရဲ့ ၀င်ငွေရှာဖွေမှု တိုးတက်လာခြင်းနှင့်အတူ ပြည်သူတွေရဲ့ မိရိုးဖလာစီးပွားရေးပုံစံကနေ ဆန်းသစ်တဲ့ စီးပွားရေးပုံစံတွေကို ဖန်တီးလာခြင်းဟာလည်း စီးပွားရေးတိုးတက်မှုကို များစွာအထောက်အကူဖြစ်စေမှာပါ။

အချက် (၄) Technology နည်းပညာတိုးတက်မှုအခြေအနေပါ။ (တိုးတက်ခဲ့တဲ့ နိုင်ငံတွေကို ကြည့်ရင် နည်းပညာအားသာချက်ကြောင့်ဖြစ်ပါတယ်။  လက်ရှိမှာ မိုဘိုင်းဖုန်းတွေကို တနိုင်ငံလုံးအဆင့်ဖြန့်ဝေပေးနိုင်တဲ့ အနေအထားမှာ သတင်းအချက်အလက်နဲ့ ဈေးကွက်အချိတ်အဆက်တွေဟာ ပိုမိုတွင်ကျယ်လာနိုင်သလိုပဲ၊ တခြားသော E-Commerce စနစ်တွေ၊ R&D စနစ်တွေ၊ စက်မှုလက်မှုလုပ်ငန်းတွေရဲ့ Technology တွေကို ပံ့ပိုးကူညီပေးနိုင်တဲ့ အခြေအနေဖြစ်လာရင် စီးပွားရေးတိုးတက်မှုဟာ ယခုထက်ပိုမိုမြန်ဆန်လာနိုင်ပါတယ်။

City FM (မေး) - မကြာခင်မှာ စတင်လာတော့မဲ့ ASEAN Economic Community (AEC) နဲ့ FDI တွေနဲ့ ပတ်သတ်ပြီး ဖြစ်လာနိုင်ချေရှိတဲ့ စီးပွားရေးအမြင်များကိုလည်း သုံးသပ်ပြစေချင်ပါတယ်။

(ဖြေ) – AEC အာစီယံစီးပွားရေးအသိုက်အ၀န်းက (၂၀၁၆ ကနေပြီး - ၂၀၂၅ အထိ) အာစီယံနိုင်ငံများ ပေါင်းစည်းပြီး ဈေးကွက်အခွင့်အလမ်းများ ပိုမိုရရှိစေဖို့ ဖော်ဆောင်လိုက်တဲ့ မဟာဗျူဟာဖြစ်ပါတယ်။ AEC အာစီယံဈေးကွက်စီးပွားရေးရဲ့ အဓိကမျှော်မှန်းချက်ကတော့ အာစီယံနိုင်ငံများ စုပေါင်းပြီး Single Window Mart ပုံစံဖြင့် ဈေးကွက်တပုံစံတည်း One Vision – One Community ပုံစံဖော်ဆောင်ဖို့ ရည်ရွယ်ချက်ဖြစ်ပါတယ်။ AEC ရဲ့ အဓိက လုပ်ငန်းစဉ်တွေကတော့

(၁) Market & Production (Free Flows) ဈေးကွက်-ထုတ်ကုန် လွတ်လပ်စွာစီးဆင်းမှု၊

(၂) Competitive Economic Region (ဒေသတွင်း ဈေးကွက်ပြိုင်ဆိုင်တိုးတက်လာမှု)၊

(၃) SMEs Economic Development (SMEs လုပ်ငန်းများ စီးပွားရေးဖွံ့ဖြိုးတိုးတက်လာမှု)၊

(၄) Integration into Global Economy (ကမ္ဘာ့ဈေးကွက်သို့ စုစည်းချိတ်ဆက်ပေးနိုင်မှု) ဆိုတဲ့

အာစီယံစီးပွားရေး Pillars (၄-ချက်) ကို အဓိကထားဆောင်ရွက်သွားမှာဖြစ်ပါတယ်။

 

AEC ၀င်လာတဲ့အခါမှာ Corporation ပုံစံနဲ့ ဈေးကွက်ကိုပေါင်းစပ်ဖော်ဆောင်နိုင်သလို၊ Competition ပုံစံနဲ့ ဈေးကွက်ကိုယှဉ်ပြိုင်မှုဆိုတာဖြစ်လာနိုင်တယ်။ ဈေးကွက်ခံစစ်ပုံစံနဲ့ AEC ကို Local Market အတွင်း ယှဉ်ပြိုင်မလား၊ ဈေးကွက်တိုက်စစ်ပုံစံနဲ့ AEC ကို International Market သို့ ၀င်မလားဆိုတဲ့ ပြင်ဆင်သုံးသပ်မှုတွေနဲ့ အလိုက်သင့်ပြောင်းလဲရပ်တည်မှုတွေဟာ လိုအပ်လာနိုင်ပါတယ်။ AEC ဝင်လာရင် ဘာဖြစ်လာမလဲဆိုတော့ အဓိကပြိုင်ဆိုင်မှုတွေ တိုးတက်လာမှာဖြစ်တယ်။ လွတ်လပ်တဲ့ ဈေးကွက်ပုံစံတွေကို ဖန်တီးလာမှာ ဖြစ်ပါတယ်။ ဒီအခါမှာ ပြင်ဆင်မှုအားသာတဲ့ မြန်မာ့လုပ်ငန်းစုတွေအတွက် အဆင်ပြေနိုင်ပြီး၊ ပြင်ဆင်မှုအားနည်းတဲ့ မြန်မာ့လုပ်ငန်းစုတွေအတွက်တော့ စိုးရိမ်းစရာပါပဲ။ ပြင်ဆင်မှုဆိုတဲ့အပိုင်းမှာ ပြည်တွင်းဈေးကွက်တွေကို ရနိုင်သလောက်ချဲ့ထားနိုင်ဖို့၊ အာစီယံဈေးကွက်တွေရဲ့လိုအပ်ချက်တွေကို ကြိုတင်လေ့လာထားနိုင်ဖို့၊ မိမိလုပ်ငန်းစုရဲ့ Supplier ဈေးကွက်အဆက်အသွယ်တွေကို ချိတ်ဆက်ထားနိုင်ဖို့၊ နည်းစနစ်ကျတဲ့ လုပ်ငန်းခွင်စီမံအုပ်ချုပ်မှုတွေကို မြင့်တင်ထားနိုင်ဖို့၊ ၀န်ထမ်းစွမ်းရည်တွေကို မြင့်တင်ထားနိုင်ဖို့နဲ့ Supply Chain ဈေးကွက်ချင်းတူတဲ့ လုပ်ငန်းစုတွေနဲ့ ပေါင်းစည်းထားနိုင်ဖို့လိုအပ်မှာဖြစ်ပါတယ်။ FDI နဲ့ ပတ်သက်ပြီး သုံးသပ်ရင် မြန်မာနိုင်ငံကို ၀င်လာမဲ့ နိုင်ငံခြားရင်းနှီးမြုပ်နှံမှုတွေအနေနဲ့ အခြေခံအားဖြင့် အချက် ၅ ချက်ကိုကြည့်ပါတယ်။ ၁-အချက်က ကျွန်တော်တို့ နိုင်ငံရေးတည်ငြိမ်မှု ဘယ်လောက်ရှိလည်းဆိုတာကြည့်မယ်။ ၂-အချက်က မြန်မာနိုင်ငံရဲ့စီးပွားရေးအလားအလာ ဘယ်လောက်ကောင်းလဲဆိုတာကြည့်မယ်။ ၃-အချက်က ကျွန်တော်တို့နိုင်ငံမှာချမှတ်ထားတဲ့ ဥပဒေ၊ လုပ်ထုံးလုပ်နည်းတွေ၊ အလုပ်သမားနဲ့ပတ်သက်တဲ့ အချက်တွေကိုကြည့်မယ်။ ၄-အချက်က FDI အတွက် ဈေးကွက်နေရာအားသာချက်ကို ကြည့်ပြီး၊ ဇုံကျတဲ့ နေရာတွေ၊ မြို့တွေမှာ ရင်းနှီးမြုပ်နှံ့မှာဖြစ်ပါတယ်။ နောက်ဆုံးအချက်ကတော့ Infrastructure လမ်း၊ မြေ၊ လျှပ်စစ်၊ အဆောက်အဦး စတဲ့ ရရှိနိုင်မှုအပိုင်း တွေကို အဓိကထားပြီး ကြည့်မှာဖြစ်ပါတယ်။ FDI ၀င်လာဖို့အတွက် ဒီအချက် (၅-ချက်) သည်သာ အဓိကဖြစ်ပါတယ်။   

အဓိက FDI ၀င်ရောက်လာတဲ့လမ်းကြောင်းမှာ မြန်မာနိုင်ငံရဲ့ MIC, DICA, SEZ Committee, Related Ministry and Association တွေဟာ အဓိကအဆုံးအဖြတ်ပေးမဲ့ အဖွဲ့အစည်းတွေပဲဖြစ်ပါတယ်။ (မ-၃လုံး) သော မှန်ကန်တဲ့ FDI, မြန်ဆန်တဲ့ FDI, များစွာသော FDI ဖြစ်လာဖို့ ဆိုရာမှာ အထက်ပါ (အချက် - ၅) အပေါ်မူတည်နေပြီး အဓိက Focal Organization တွေ၏ ညှိနှိုင်းဆွေးနွေးနှင့် ပေါင်းစပ်ဖော်ဆောင်မှုဟာ နိုင်ငံတခုရဲ့ စီးပွားရေးမဟာဗျူဟာအပြောင်းအလဲသည်သာ FDI ၀င်ရောက်မှုကို ဖန်တီးစေနိုင်မှာဖြစ်ပါတယ်။ 

ကျွန်တော်အနေနဲ့ မြန်မာစီးပွားရေးတိုးတက်မှုသို့ တဖက်တလှမ်းမှာပါဝင်ကူညီနေရင်း MRTV-4, Mizzima Media, MCN, ပြည်မြန်မာ, City FM စတဲ့ သတင်းမီဒီယာများတွင် စီးပွားရေးသုံးသပ်ချက် အင်တာဗျူးများအား အကြံပြုဖြေဆိုပေးထားပါတယ်။

အင်တာဗျူးဖြေဆိုသူ - စီးပွားရေးအကြံပေး ဦးဇင်ဖြိုးပိုင် (Founder, www.EntrepreneurSME.com)

အင်တာဗျူးလိုသော သတင်းမီဒီယာများအနေဖြင့် www.EntrepreneurSME.com (09 788 888 434) သို့ ဆက်သွယ်နိုင်ပါသည်။

Share this Post: